На працягу мая адзначаўся працяг масавых палітычных рэпрэсій рэжыму. Паводле звестак праваабарончага цэнтра «Вясна», у траўні па палітычных матывах былі асуджаныя не менш за 145 чалавек, з іх 31 жанчына і 114 мужчын. Акрамя таго, у мінулым месяцы былі асуджаныя не менш за шэсць сем'яў (пары або цэлыя групы сваякоў). Зараз праваабаронцам вядомыя падрабязнасці 39 крымінальных спраў.
Лідарамі па крымінальных пераследах нязгодных застаюцца Мінск (76 чалавек) і Брэсцкая вобласць (34 чалавекі).
У траўні набрала моц тэндэнцыя інтэнсіўнага выкарыстаньня судовай сыстэмай працэдуры спэцвытворчасьці ў дачыненьні да палітэмігрантаў. У прыватнасці, месяц адзначыўся пачаткам самага масавага завочнага суда над «аналітыкамі Святланы Ціханоўскай» і дарадцам лідара дэмакратычных сіл Франакам Вячоркам.
Частка 3 артыкула 361 Крымінальнага кодэкса атрымала шырокае прымяненне на практыцы ў траўні выключна з-за наяўнасці ў ёй кваліфікуючай прыкметы ў выглядзе дзеянняў з выкарыстаннем сродкаў масавай інфармацыі або глабальнай камп'ютарнай сеткі Інтэрнэт — гэта значыць, па сутнасці, любой публічнае выказванне меркавання. Санкцыя гэтага артыкула, менавіта паводле часткі трэцяй, прадугледжвае толькі адзін від асноўнага віду пакарання ў выглядзе пазбаўлення волі на тэрмін ад чатырох да дванаццаці гадоў.
Выказваем спачуваньне ўсім незаконна рэпрэсаваным апанэнтам улады і родным, якія чакаюць іх дома.
Comentarios