Расея зноў гуляе ва ўльтыматумы. Дырэктар дэпартамэнту краінаў СНД МЗС Расеі Аляксей Палішчук нядаўна заявіў, што Расея можа вывесьці сваю тактычную ядзерную зброю зь Беларусі, калі ЗША адмовяцца разьмясьціць сваю ядзерную зброю ў Эўропе.
«Гіпатэтычны вывад расейскай ядзернай зброі з тэрыторыі Беларусі будзе магчымы толькі ў тым выпадку, калі ЗША і NATO адмовяцца ад дэструктыўнага курсу на мэтанакіраваны падрыў бяспекі Расеі і Беларусі. Гэта прадугледжвае поўны вывад усёй амерыканскай ядзернай зброі на тэрыторыю ЗША з ліквідацыяй адпаведнай інфраструктуры ў Еўропе», — сказаў дыпламат.
Паводле яго слоў, размяшчэнне расейскіх ядзерных боегаловак у суседняй краіне з'яўляецца «вымушанай» і «мерай у адказ» на дзеянні краін NATO і, у прыватнасці, ЗША, а таксама рэакцыяй «на карэнныя змены, якія адбыліся апошнім часам у ключавых галінах еўрапейскай бяспекі» ў сувязі з неабходнасцю забеспячэння абароны Саюзнай дзяржавы.
Цікава, ці разумеў Лукашэнка, што яго, а зь ім і ўсю краіну, проста выкарыстаюць у гэтай гісторыі зьнешнепалітычных гульняў? Больш за тое, на дадзены момант гэта выглядае літаральна смешна з боку Расеі — таму што ўльтыматумы звычайна ставяцца з нейкай рэальнай сілай. І пасьля 17 месяцаў «вокамгненага захопу Кіева» і амаль штотыднёвых пагрозаў прымяніць ядзерную зброю з боку аднаго толькі Дзьмітрыя Мядзьведзева, які, на хвілінку, зьяўляецца намесьнікам старшыні Рады бясьпекі РФ, усе такія ўльтыматумы ўспрымаюцца Захадам няйначай, як клаўнада.
Kommentare